CPFB | Build my desired retirement income tamil

எனக்கு விருப்பமான ஓய்வுக்கால வருமானத்தை உருவாக்குகிறேன்

முன்கூட்டிய திட்டமிடுவதன் மூலம் உங்கள் ஓய்வுக்காலக் கனவுகளை நனவாக்குங்கள். CPF LIFE திட்டம், நீங்கள் எவ்வளவு காலம் வாழ்ந்தாலும், உங்களுக்கு மாதந்தோறும் நிலையான வருமானத்தை பெறுவதை உறுதி செய்கிறது.

ஓய்வுக்காலப் பயணம்

நீங்கள் விரும்பும் ஓய்வுக்கால வாழ்க்கை முறையைத் திட்டமிடுங்கள்

நீங்கள் 55 வயதில் $200,000 வெள்ளியுடன் தொடங்கினால், 65 வயதில் மாதாந்திர தொகையாக சுமார் $1,600 பெறுவீர்கள்.

இது, 65 வயதில் $300,000 வெள்ளியுடன் தொடங்குவதற்குச் சமமானது – நீங்கள் தொடங்கியதைவிட சுமார் $100,000 அதிகம்.

உங்கள் ஓய்வுக்காலத்தில் நிலையான வருமானத்தை நிம்மதியாக அனுபவியுங்கள்

சராசரி ஆயுட்காலம் அதிகரித்து வரும் நிலையில், நீங்கள் நீண்ட ஓய்வுக்காலத்திற்கான திட்டமிடல் அவசியமாகிறது. இன்று, 65 வயதுடைய சிங்கப்பூரர்களில் பாதிக்கும் மேற்பட்டோர் 85 வயதுக்கு மேல் வாழ வாய்ப்பு உள்ளது.

மாதந்தோறும் வாழ்நாள் முழுவதும் தொகை கிடைக்கும் என்ற உத்தரவாதம் உங்களுக்கு மன அமைதியைத் தந்து, உங்கள் தேவைகளைச் சந்திக்கவும், விரும்பிய வாழ்க்கை முறையை அமைத்துக்கொள்ளவும் உதவும்.

உங்கள் வாழ்க்கை முறைக்குச் சிறந்ததாக இருக்கும் மூன்று CPF LIFE திட்டங்களிலிருந்து தேர்வுசெய்யுங்கள்

CPF LIFE என்பது ஒரு வருடாந்திர தேசிய நீண்ட ஆயுள் காப்பீட்டுத் திட்டமாகும். இது உங்கள் ஓய்வூதியச் சேமிப்புகள் முடிவடைவதைத் தடுக்கும் வகையில், நீங்கள் எவ்வளவு காலம் வாழ்ந்தாலும், மாதந்தோறும் ஒரு தொகையை வழங்குகிறது.

வளரும் திட்டம் (Escalating Plan), நிலையான திட்டம் (Standard Plan) அல்லது அடிப்படைத் திட்டம் (Basic Plan) ஆகியவற்றில் உங்கள் தேவைகளுக்கு ஏற்றதைத் தேர்வு செய்யுங்கள்.

65 வயதிலிருந்து 70 வயது வரை எந்த வயதிலும் உங்கள் மாதாந்திர தொகையைப் பெற ஆரம்பிக்கலாம்

மாதாந்திர தொகையை எப்போது பெற வேண்டும் என்பதற்கேற்ப, உங்கள் CPF LIFE திட்டத்தைத் தேர்வுசெய்யலாம். 65 வயதில் அந்தத் தொகை தேவையில்லை என்றால், நீங்கள் அதை ஒத்திவைக்கும் விருப்பம் உங்களுக்கு உள்ளது.

ஒத்திவைக்கும் ஒவ்வொரு வருடத்திற்கும் நீங்கள் பெரும் தொகை 7% வரை அதிகரிக்கும். நீங்கள் முன்னதாகவேப் பெற தேர்வு செய்யவில்லை என்றால், 70 வயதில் தானாக மாதாந்திர தொகை வரத் தொடங்கும்.

இன்றே திட்டமிடத் தொடங்குங்கள்

ஓய்வூதியத் தொகை திட்டமிடல்

உங்கள் தற்போதைய CPF சேமிப்பின் அடிப்படையில், நீங்கள் பெறக்கூடிய தோராயமான மாதாந்திர தொகையை கணக்கிடுங்கள். நீங்கள் CPF சேமிப்புகளை அதிகரித்தால் அல்லது வேறு CPF LIFE திட்டங்களைத் தேர்ந்தெடுத்தால், உங்கள் மாதாந்திர தொகை எவ்வாறு மாறுகிறது என்பதைப் பாருங்கள்.

இப்போது தொடங்குங்கள்

சேமிக்கும் பணத்தை அதிகரியுங்கள்

இன்று உங்கள் CPF சேமிப்பை அதிகரிப்பதன் மூலம், நீங்கள் அதிக ஓய்வூதியப் பலன்களைப் பெறலாம். நிலையான வட்டி விகிதங்கள் மற்றும் வரிவிலக்குகள் ஆகியவற்றால், நீங்கள் இப்போது சேமிக்கும் ஒவ்வொரு வெள்ளிக்கும் உங்களுக்கு விருப்பமான வாழ்க்கை முறையை அடைய உதவுகிறது.

இப்போது தொகையை அதிகரியுங்கள்

நீங்கள் விரும்பிய ஓய்வுக்காலத்தை அடைவதற்கான அணுகுமுறையில் தேர்ச்சி பெறுதல்

மத்திய சேமநிதி வாரியம், ஓய்வு பெறுதல் துறையைச் சேர்ந்த செரீனும், CPF உறுப்பினர் ஆண்ட்ரூவும் விங் சுன் என்ற தற்காப்பு கலை பிரிவின் கொள்கைகள், ஓய்வூதிய திட்டமிடலை எவ்வாறு பிரதிபலிக்கின்றன என்பதை விளக்குகிறார்கள். உங்கள் ஓய்வூதியத்திற்கான அடித்தளமாக CPF எவ்வாறு செயல்படுகிறது என்பதைக் கண்டறியுங்கள், மேலும் மூன்று CPF LIFE திட்டங்கள் நீங்கள் விரும்பும் ஓய்வூதிய வாழ்க்கை முறையை எவ்வாறு ஆதரிக்கும் என்பதைப் புரிந்துகொள்ளுங்கள்.

Uncertain about retirement start planning with confidence

ஓய்வூதியம் பற்றி உறுதியற்ற நிலையில் இருக்கிறீர்களா? நம்பிக்கையுடன் திட்டமிட தொடங்குங்கள்

50 வயதைக் கடந்த சிங்கப்பூரர்கள் எவ்வாறு நம்பிக்கையுடன் ஓய்வூதியத் திட்டமிடலை கையாளுகிறார்கள் என்பதைக் கற்றுக்கொள்ளுங்கள். சரியான நோக்கம், தெளிவு மற்றும் சரியான CPF கருவிகள் மற்றும் வளங்களுடன், ஓய்வூதியம் என்பது புதிய மற்றும் பலனளிக்கும் அத்தியாயத்தின் தொடக்கமாக இருக்க முடியும்.

எப்படி என்பதை அறிந்து கொள்ளுங்கள்

மேலும் தகவல்களை ஆராய விரும்புகிறீர்களா?

உங்கள் எதிர்காலத்திற்கு அதற்குத் தகுதியான முக்கியத்துவத்தை அளியுங்கள். CPF உடன் இணைந்த "Plan Life Ahead, Now!" (PLAN) திட்டத்தை பயன்படுத்திக் கொள்ளுங்கள். இது உங்கள் நிதி பயணத்தை நம்பிக்கையுடன் மேற்கொள்ளவும், வாழ்க்கையின் ஒவ்வொரு கட்டத்திலும் CPF மூலம் வலுவான அடித்தளத்தை அமைத்துக்கொள்ளவும், தேவையான அனைத்து தகவல்களையும் ஒரே இடத்தில் வழங்கும் இணைய தளம் ஆகும்.

எப்படி என்பதை அறிந்து கொள்ளுங்கள்

இப்போது காட்டப்படுவது:

உங்கள் ஓய்வுக்காலக் கனவுகள் நனவாகும் தருணம்

"நான் எடுத்த சிறந்த நிதி முடிவுகளில் ஒன்று என் ஓய்வுக்காலக் கணக்கை (RA) நிரப்பியதுதான். எனது மத்திய சேமநிதி (CPF) சேமிப்புகளின் மீதான அதிக வட்டி விகிதங்கள், என் ஓய்வூதிய சேமிப்பை உண்மையிலேயே வளர்க்க உதவியுள்ளது. இன்னும் சிறப்பாக, நான் ஓய்வு பெறும்போது இது அதிக மாதாந்திர CPF LIFE வழங்கீடுகளுக்கு வழி வகுக்கிறது. இது வசதியான ஓய்வூதிய வாழ்க்கையை உறுதிப்படுத்த ஒரு நடைமுறை வழியைக் கொண்டுள்ளது!"

- ஆட்ரி, 64, ஓய்வு பெற்றவர்

“ஓய்வுக்காலத்திற்கானத் திட்டமிடலில், நீங்கள் விரும்பும் வாழ்க்கைமுறை, இலக்குகள் மற்றும் சவால்கள் குறித்துச் சிந்திப்பது முக்கியம். அத்தியாவசியச் செலவுகளையும் (தினசரி வாழ்க்கைச் செலவுகள், மருத்துவச் செலவுகள்), ஆடம்பரச் செலவுகளையும் (பயணச் செலவுகள், வெளியே சாப்பிடுவதற்கான செலவுகள்) வேறுபடுத்திக் கொள்ளுங்கள். இது நீங்கள் சிறப்பாக திட்டமிட உதவியாக இருக்கும். ஓய்வுக்காலத்திற்குத் தயாராகப் பல ஆண்டுகள் ஆகும் என்பதால் முன்கூட்டியே தொடங்குவது சிறந்தது!”

- விக்டர், 63, சுயதொழில் செய்பவர்

Last login on {loginDate}

நீங்கள் விரும்பும் ஓய்வுக்கால வாழ்க்கை முறையைத் திட்டமிடுங்கள்